საქმიანობების შესრულების დაბალი მაჩვენებელი არასახარბიელოა. უშუალოდ სამინისტროს სტრატეგიით, ეს ღონისძიება უფრო მასშტაბურად არის გათვალისწინებული. სამედიცინო პერსონალის გადამზადება/განათლების პროცესში უნდა იყოს რეგულარულობა (მაგ., სავალდებულო კრედიტ-საათები) და მოიცავდეს კლინიკურ (მაგ., კონკრეტული დაავადების მართვა) დამართვით საკითხებს (მაგ., ინფექციის კონტროლი, ხელების დაბანა, პირადი დაცვის აღჭურვილობის გამოყენება და ა.შ.). ზოგადად, ნაკლოვანებად შეიძლება ჩაითვალოს, რომ სისტემის შიგნით არ არის ჩამოყალიბებული ხედვა სასწავლო/საგანმანათლებლო საქმიანობის მოცულობაზე, თემატიკასა და რეგულარულობაზე.

მისასალმებელია, რომ სამედიცინო მომსახურების გაუმჯობესების მიზნით, ხორციელდება როგორც სამედიცინო, ისეარასამედიცინო პერსონალის რეგულარული გადამზადება. 2016-2017 წლებში მომზადება გაიარა, როგორც სამედიცინო, ასევე სპეციალური პენიტენციური სამსახურის არასამედიცინო პერსონალმა თემაზე „ჯანსაღი გარემოს შექმნა და დაავადებათა პრევენცია“ (ჯამში 2965-მა მოსამსახურე). აღნიშნული თემატიკა აგრეთვე ინტეგრირებულია სავალდებულო მომზადების სასწავლო კურსში ( 2016 წელს - 2699 მოსამსახურე ; 2017 წელს - 809 მოსამსახურე).